2. und 3. Tag

Hüt morge simer gmüetlech ufgstange, hei genauso gmüetlech zmörgelet und si när los mit de Velos grobi Richtig Le Noirment, zu de Arête des Sommêtres.

Üsi Fahrt isch z‘ Le Roslet düre und ou bi gaaaaaanz viu angerne Ross:

Chli vorem Mittag simer uf hauber Strecki zum ungere Afang vo der Arête acho gsi und hei wägem Räge ä Mittagspause bire chline Hütte ungerem Vorsprung gmacht, zämme mit zwöi Chlätterer vo Dütschland.

Mir hei, nachdäms ufghört het gha mit rägne, beschlosse, dass mer nid di ganz Strecki mache und stattdessi zwüschinne istige. Nach eim churze Ufstig wo mer si gklätteret, hei mir entschiede, dass die nöchsti Chlättersteu z’schwierig isch für üs und mir nüm so wei am Luft usgsetzt si. Drum heimer üs abgseilet.
Vo dert us hei mir no ei chlini Route gfunge, womer je einisch gklätteret si, das isch meeega mega schön gsi!! (Biud: Ufstig womer gmacht hei überd dä Steispitz uf, wo ir Mitti vom Biud isch)

Aschliessend simer unge am Kretefuess nochegloffe, bis mer ä gäbige Istig hei gfunge, für när no ufe höchst Punkt vo der Arête uechezchlättere. Ungerwägs hei mer no ä Hühli gseh.

Ändlech obe acho:

Der Doubs biudet dGränze zu Frankrich, uf däm Biud gseht me auso scho uf Frankrich übere:

 

Das wo rot umkreist isch, wär di Strecki womer hätti wöue mache.

Bir Refuge wos dert obe het (chlises Hüttli, wo me ou chönt übernachte) hets es WC wome muess über nes Gitter i loufe, wos drunger zLoch abgeit:

Und so simer när langsam wieder Richtig Camping losgfahre mit de Velos. Hie es lustigs Biud zu de Strosseregelige im Jura, schön für jedi Art Strossebenutzer eis Töri. Wär fingt use weles Töri für wär isch gmacht worde?

Ungerwägs simer ou no hurti go üsse Pflichtbsuech bim Étang de la Gruère go mache und üs go erfrüsche nach üsem sportleche Tag ; )

     

Am Obe simer richtig kaputt gsi, heis aber umega gnosse : ) : )

Am 3. Tag simer nume no gmüetlech am Teich ufem Camping ghocket und hei üs fürs Heifahre zwäggmacht und si när heigfahre.

 

 

 

 

 

 

 

1. Tag

Hüt simer am früeche Nomi abgfahre i Jura, Camping Les Cerneux.
D’Fahrt isch super gange und ig ha wieder einisch chöne üebe Ahänger z’fahre : )

Womer acho si und der Wohnwage häregsteut hei, hei mer üsi Velos gsattlet und si losgaloppiert Richtig Les Breuleux. Wiu mer nid hei gwüsst, wos Coop isch, hei mer no d’Bekanntschaft mit emne lustige eutere Herr gmacht, wo sehr gärn no chli mit üs het plöiderlet (natürlech uf Französisch ; )

Üsi Heifahrt isch när über La Chaux-des-Breuleux, sprich über Chue- und Rossweid i gange. Dert heimer Zobe gässe und mit ere Büri über d’Sapin Rot gredt.

   

Obestimmig ufem Camping nach eme feine Znacht : )