3. Tag

Ou dä Morge hei mer öpis Zmorge gässe, welch ein Wunder, aber ds Zmorgebuffet vo gester hets bi witem nid chöne toppe. Die Jugi hie zGenf isch meh „Masseabfertigung“ gsi aus Confort.

Wiu mer gester no nid so viu vo Genf hei gseh und wiu der Jet d’eau nid glofe isch wäg em lufte, simer hüt nomou id Stadt. Ig ha mi sehr i üsi Gymerexkursion zrügversetzt gfüeht. Das Mou hanis eidütig positiver erläbt!

 Prommenade des Bastions

Autstadt:

  

Eglise de St. Pierre:

   Wieder Stadt:

  

Und no öpis für mini liebi Schwost ; )

Und witer geits zum Jet d’eau:   

Genf – Check ✔️

Hüt isch jo üse Würfutag. Das heisst mir hätte gwürflet uf weles Gleis und wie mängi Station mir fahre. Schlussändlech hei mir üs eifach wiukürlech für ne Zug entschiede und när dert drin gwürflet wie wit mer fahre.

E so simer zNeuchâtel glandet. SZmittag hei mer im Zug gässe:

Dert heimer ä gmüetleche Nomi gmacht.

  

Schloss vo Neuchâtel:

               

Neuchâtel – Check ✔️

Mir hei üs entschiede, dass mer gnue hei vom Reise und üs ufe Heiwäg gmacht. Aber grad nume diräkt hei über Olten het üs doch z’längwilig dünkt, drum simer über Solothurn und hei ds Bibberlisi gno uf Langethe.

2. Tag

Üses Zmorge:

Nach em Zmorge und Züg packe isch üsi Reis witer gange vom einte See zum angere, Lugano-Locarno.

 

ZLocarno simer umgstige ufs Schmauspuhrbähnli wo uf Domodossola fahrt.

   Die Reis isch mega mega schön gsi ♡

   

Erste Haut nach der Grenze zu Italie:

   Domodossola (für 45 min):

  

Üse Zmittagsufenthaut:

 

Und scho geit dFahrt witer:

 EC (Eurocity) Richtig Genf

Anstad Gras hei si hie Trube 😂 Es het sooo viu Wiibärge, quasi vo Sierre a bis uf Genf durend!!!! (Fotis si vo Sierre)

 

Juhui me gseht der Genfersee!!

 

Und „scho“ ds Genf acho, nach 3 Stung Fahrt vo Domodossola us.

Üses Zimmer (öper vo Singapur, öper vo Frankrich und di 3. isch am haubi 12i erst cho, ke Ahnig vo wo dass si isch, irgendwo vom asiatische Ruum…)

 

Und Genf chli go aluege und Znacht ässe:

        

1. Tag

Hüt simer 08:33 Uhr mit em Zug losgfahre und lang drin blibe. Übdr Luzern simer witer uf Lugano und vo dert uf Melide.

Z Melide simer is Swiss Miniatur go dSchwiz in Miniform go aluege. Chlises Quiz: wär erkennt was di verschidnige Gebäude si?

        

Nach dem mer rächt müed si worde vor Hitz, vom Gepäck und vom Loufe, simer gone Glace schläcke und zrug uf Lugano id Jugi.

Dert hei mer ä sehr agnähme Nomi und Obe verbrocht. Es het ä Pool und ä riise Gartealag, so sehr viusitig nutzbar isch, z.B. Ping-Pong, Schwümme, Chille oder mit de Ching (oder ou säuber) uf di verschidene Spiuplätz go ; )

Üses Zimmer (es isch nume no öper derzuecho):

 

Am Obe hets no gschwing grägnet, aber mir hei grad fertig möge mit Ässe und chönne ine go.

Morn geits witer mit üsere Reis i Richtig Domodossola und witer uf Genf : )